بعض من اشعاري

قبل التسخين علي النار
اسقيك من زيتي الحار
صرت كاقراني مسخا لا اعرف معني الافكار
القيت سلاحي من قهري وامسكت بيدي جيتار
قد كنت اغني ثورتنا واليوم اغني ياحمار
فصل
جوه الدايره نازل لف
حمل تقيل مش راضي يخف
وارجع الف تقول م الاول
وحياتي معاها بتتحول
تتضاعف فيا الاحزان
اصرخ فيها تقولي كمان
حسكت بقي عشان انا تعبان وطهقان وثاير
تعرف ليه؟؟؟؟؟؟؟؟؟؟؟؟؟؟؟؟؟؟؟؟
اصل حياتي مليانه دواير
قطع
غريب مع اني من اهلك
غريب مش عارف اندهلك
ولا اشكيلك
ولا ابكيلك
ولا احكيلك
غريب قلبي يغنيلك
غريب مش عارف السكه
غريبه علي قلبي ليه الضحكه
غريب فيكي يا اوطانا
غريب حلمك واحلامنا
غريب ولا عارف اتهنا
غريب علي قلبي ليه الاحساس
غريب شكلي وكل الناس
غريب حسكت غريب وخلاص
وششششششششششششششششششششش
ماضاع مني الاحساس
لكني كباقي الناس
تتساقط مني الانفاس
نفس عمييييييييييييييييييييييق
ماذا دهاك يامان
تتراكم فوقك احزان
هل تبكي مثل النسوان
هل تبكي ضياع الاوطان
ام تبكي قهر الانسان
ام تبكي ضعف الايمان
نظر لي نظرة ثم قال
بل ابكي لاني جعان
تييييييييييييييييييييييييييت
بعد ان تراكم علينا الهم
وامتلات قلوبنا بالغم
واصبح في عروقنا لايجري الدم
وبعد ان فقدنا حاستي التذوق والشم
وبعد ان نسينا ان للحم اصلا طعم
واصبحت جروحنا من فرط نقص الفيتامين لاتلتم
قرر رئيسنا من فرط عطفه الجم
ان يرفع عنا ما تبقي من الدعم
تششششششششششششششششششششششششششششش
قاعده علي طرف الرصيف
لابسه توب بالي وخفيف
وفي عز البرد
قاعده علي الارض
يرتجف جسمي النحيف
وهي رغم توبها الخفيف
ليها قلب مش ضعيف
خلي برد الشتا خريف
شوفتها قاعده في مكانها
قاعده وبتاكل رغيف
قلتلها يااما
اجيبلك غموس عشان الرغيف
قالتلي لا شكرا ياولدي
اصلي احب انام خفيف