حجاب المثلثات

عفوا لا اقصد حساب المثلثات اذا كنت طالب بالثانوية العامة او احد اولياء الامور المهتمين بمدي صعوبة

الامتحانات نعم اقصد حجاب المثلثات او الحجاب المثلث المميز جدا للاخوات

يجعلك تتسال ماهو وراء تللك الظاهرة بالتاكيد وراء كل سلوك _خصوصا اذا لم يكن عفويا_ طريقة تفكير

هل هي محاولة للاخوات لتمييز انفسهن عن المجتمع لا نك بمجرد ان تمشي في الكلية او الشارع من السهل

جدا ان تعرف ان هذه واحدة من الاخوات او لا قد تستغرب من ذلك ولكن ستستغرب اكثر حينما تعلم ان

وراء ذلك اعتقاد ان هذا هو الحجاب الشرعي والنظر بدونية لكل اشكال الحجاب الاخري وعلي الرغم انه

معروف عند انصاف المتدينين انه لا يوجد في الاسلام شكل معين للزي الا ان الاخوات عندهم فكرة او

رغبة في تمييز انفسهن عن الفتيات ان شئت قل بين قوسين العاديات

حكي لنا الدكتور توكل عن ابنته التي دخلت الجامعة وانتقلت للعمل مع الاخوات في الجامعة وكانت لا

ترتدي هذا الشكل من الحجاب واكد ان ابنته كانت تبس لباسا شرعيا محترما ولكنها لا تبس ذلك الحجاب

المثلث فرفضت مسئولتها ذلك الحجاب واعتبرته غير شرعي وبالتالي تم ابعادها عن شغل الجامعة

حكي لي ايضا احد الاخوة ان اخته حدث معها نفس الموقف مع ان المكانين مختلفين ومتباعدين تماما

يجب ان نفهم انه لايوجد زي رسمي في الاسلام وان محاولة تمييز انفسنا عن المجتمع خطأ كبير لن ندرك

عواقبه الخطيرة الا مستقبلا

وهنا دعوة للاخوات

لا تحاولن تغيير ازياء الفتيات اللاتي يقتربن منكن ولكن علمونهن هذة الشروط الشرعية للحجاب وليختارن

هن اي شكل او اي اسلوب يتوافق معهن

ان يكون فضفاضا ساترا لجميع البدن عدا الوجه والكفين لا يصف ولا يشف بمنتهي البساطة

صور وذكريات

قبل امتحان شفوي
صديقي الانتيخ عبد القادر في كارفور
زهقت من الجراحة
صديق الطفولة احمد هاشم قصدي الاستاذ الدكتور احمد هاشم امراض نسا وتوليد وزميل الكلية البريطانية
لا مراض النسا والتوليد ربنا يوعدك يااحمد يارب

الصورة دي كنت ف الاعتكاف علي اقصي الشمال الي لابس تيشرت احمر ده اسامة بعديه احمد المهدي

ثم انا وعبد الله نوح تحت وهاري بوتر قصدي يوسف الي محشور ورا ده احمد الرحماني

انا ورفيق الكفاح المسلح محمد عليوة ربنا يفك اسره يارب وكل المعتقلين جوة
حبيبي الانتيخ عبد القادر في مسابقة خروب كلية الطب
الثلاثي المرح انا ثم خالد ابو العلا ثم يحيي حبيب كنا في حفلة التخرج بتاعة النقابة سبنا الدنيا تضرب تقلب

وقعدنا نلبس الارواب بتاعة الناس ونتصور

لاء مفيش حاجة ده انا كنت بذاكر والي ف ايدي اليمين ده شاكوش قصدي هامر

انا

في بعض الاحيان كنت اكتب بعض خواطري وافكاري ثم اعود اليها بعد عام فاجد نفسي قد اختلفت كثيرا تغيرت وجهة نظري وطريقة

تفكيري ربما يكون ذلك بسبب انني دائم النمو والبحث فاجدني بعد عام قد تبدلت شخصيتي واصبحت انسان اخر لذلك قررت ان ادون عن

نفسي وافكاري اصدقائي وامنياتي رسالتي في الحياة لعلي اعود بعد عام لاري ماذا صنعت بي الحياة

الاسم اسلام صديق امين صديق
السن 23 سنة
الطول 172 سم
الوزن 62 كيلو جسمي نحيل وذلك بسبب عدم اهتمامي بالرياضة والتغذية الصحية (رجاء الاهتمام)
الوظيفة طالب بالفرقة السادسة كلية الطب جامعة الاسكندرية ولسه عندي روندات وامتحاني شهر 10
اجيد التحدث باللغة الانجليزية والعربية طبعا
معرفة سطحية باللغتين الفرنسية والاسبانية
الميول الفكرية اسلامي معتدل اري ان الاسلام هو الحل الذي يجمع شتات المختلفين وينظم افكارهم ويجعل منهم طاقة تستطيع التغيير والتاثير اؤمن ان الاسلام اخلاق وعقيدة تسري في النفوس فتحييها الاسلام مرجعيتي الاساسية في كل شيء في حياتي
احترم كل من يختلف معي في الراي واجله واقدره واتعلم منه ايضا
الحرية اصل اسلامي فلا يجوز اجبار اي احد علي اي شيء
لا اريد مجتمع المنافقين
للعقل دور كبير في قيام الحضارة فلا يمكن تغييب العقل
العقل والشرع اصلان لا ينفصلان
ولا يتعارضان اصلا بشرط ان يكون العقل صحيحا و الشرع صريحا
للدليل العقلي نفس قوة الدليل الشرعي فاذا كان احدهما قطعي الثبوت والاخر ظني الثبوت اؤول الظني ليتوافق مع القطعي
اكره النصب البديل المسمي الطب البديل لانه لا يعتمد علي منهج علمي سليم ويعتمد علي الترويج الاعلامي والضحك علي الناس من خلال منتجات وهمية يوجد في الصيدليات ما يوافق كفائتها وارخص منها بكتير جدا
مثل ادوية السكر والخصوبة
اصدقائي الانتيخ عبد القادر واحمد هاشم
عبد القادر شخصية اجتماعية من الطراز الاول يمتلك روح من العابة الساخرة التي يمكن ان تاسرك لاسلوبها السه والبسيط
احمد هاشم بقي شخصية عملية جدا hard worker
احلي حاجة فيه دماغه لما يحط حاجة ف دماغه يتعلمها ويديها كل وقته انا متوقع باذن الله يكون دكتور ناجح جدا في حياته عشان بيذاكر صح وبيشتغل صح
قراءاتي
بعد تعلمي لاسلوب القراءة السريعة اصبح عندي نهم شديد للقراءة والمعرفة
اكتر وقت قريت فيه وانا ف سنة رابعة وده بالطبع اثر علي مذاكرتي بالسلب بس مش اوي جبت جيد جدا مع ان ممكن كنت جبت اكتر بس انا مش ندمان لان القراءة اضافت لشخصيتي كتير قريت لناس كتير منهم
الدكتور القرضاوي الغزالي محمد عمارة الدكتور العوا ستيفين كوفي فهمي هويدي انتوني روبينز عائض القرني
احسن ماقرات
1 الدولة الاسلامية الدكتور العوا
2الديمقراطية والاسلام فهمي هويدي
3 المشروع الحضاري الاسلامي محمد عمارة
4فكر ابن رشد السياسي
5 العادات السبع كوفي
6 ايقظ قواك الخفية انتوني روبينز
اجمل الافلام التي شاهدتها
تلاتة لدنزل واشنطن جون كيو ومالكوم اكس وthe great debaters
فيلم البريء فيلم اكثر من رائع
اوقات فراغ فيلم يحوي واقع ومعني يتكرر في حياتنا كنت انا ومحمود عبد العال عملنا مسرحية نفس الفكرة تقريبا كنا مسمينها ابوح السنكوح
اجمل الاغاني والاناشيد
طلع البدر علينا لمشاري اجمل نشيد سمعته ف حياتي كلها
لو يقتلوني فريق الوعد اللبناني
احبائي لجوليا بطرس
نادي الوطن لميس شلش

الدورات الي حضرتها
Leadership
Communication skills
Personality styles
Self planning
Team work
Time management
Meeting management
Self confidence
Presentation skills
Negotiation skills
Power of change
المؤتمرات
Critical cardiac care
Cardiac arrhythmia
Allergy day
Pediatric oncology
Tropical diseases
Hepatitis day
Rhematological diseases
دكاترة بحترمها
الدكتور سمير مرقص رفلة امراض قلب
الدكتور يحيي غانم امراض سكر
الدكتور خليفة عبد الله امراض سكر
الدكتو خالد سامح رمد
الدكتو يسري جاويش استاذ جراحة
دكتور رؤوف جمعة جراحة التجميل
دكتور حسن علي مغربي امراض نسا
دكتور طارق قريطم مدرس جراحة
دكتور هشام الششتاوي مدرس نفسية وعصبية
مواصفات شريكة حياتي
تكون عندها الاخلاق الاساسية وركز هنا علي الحياء والتسامح
اكتر الصفات الي بكرهها ومش حقدر اتعايش معاها الكذب والطمع والغيبة والنميمة والشح
من الممكن تقبل اي صفات بعد ذلك لان مش شرط الاقي ملاك وغير كده انا عندي بلاوي انا وهي نحط بلاوينا علي بعض ونحاول نصلحها
تكون من العاملات للاسلام عشان ما تقوليش ايه دماغك التعبانة دي؟
مستواها العلمي يكون قريب مني
افضل تكون شخصية منظمة عشان تعوض نقص الفوضي والعشوائية الي عندي
بالنسبة للمواصفات الشكلية مش بفكر ف شكل معين اهم حاجة ما تكونش تخينة

حاجات نفسي اعملها بعد التخرج
بجانب الشغل في الامتياز والقراية عايز احضر دورات في الاشعة وECG
عايز احضر ماستر في الامراض الباطنة واول حاجة نفسي اشتغل فيها القلب يارب اوعدنا
تحضير لامتحان ا لزمالة البريطانية في الامراض الباطنة
بعد تظبيط الماستر والتخصص باذن الله عايز اتعلم كذا حاجة
1 اقدم في كلية اداب تا ريخ
2 اي معهد لتعلم العلوم الشرعية اصول ومصطلح
3 عايز اخد دورات في العلوم السياسية والقانونية من خلال اكاديمية السادات او الجامعة الامريكية

لو اتيح لي السفر في الخارج بمرتب كويس حاسافر بس بشرط اكون خلصت الماستر وباذن الله ارجع خلال خمس سنين مش حاعيش اكتر من كده ان شاء الله
كتب عايز اقراها خلال خمس سنين ممكن اضيف ليها بعد كده
مقدمة ابن خلدون
سيكولوجية القيادة والجماعات
اصول الفقه
الاسلاميون المستقلون
شخصية مصر
دليل الحركات الاسلامية
صفحات من التاريخ
و في خلال عشر سنين باذن الله اكون خلصت حفظ وتفسير القران الكريم بجدول انا عامله
اللي عنده كتاب ينصحني بقراته يقول
اكثر اساتذة الاخوان الذين تاثرت بهم
دكتور حسن البرنس
دكتو ابراهيم الزعفراني
دكتور عبد المنعم ابو الفتوح
دكتور عصام العريان
هواياتي
زمان كنت بحب الرسم والخط ووالدتي وانا صغير كانتي بتوديني عندي خطاط اتعلم منه
ساعات بحب اكتب شعر واكثر الشعراء الي بحبهم احمد مطر ونزار قباني
وساعات كنت بالف مسرحيات واحب امثل برضه
اكتر صفة بكرهها في الناس الكبر مع الجهل
واكتر شيء بحبه في انسان العلم مع التواضع
متسامح لابعد الحدود لكني قليل الصبر
اكره الفراغ وان اكون سبهلالا
اكره التعصب للراي
وبحب كل انسان يعمل للاسلام هذا هو انا هل تبقي عن حياتي شيء؟

رحلة وادي النطرون

امبارح زرت الناس ف سجن وادي النطرون


وقعدنا معاهم ساعتين بحالهم كاننا كنا فرحلة مع بعض


بس استاذ سامح واستاذ محمد محمود كانو قالبينا خالص


كل واحد مع المدام واحنا انا وعبد القادر واحمد هاشم وكريم سعيد


كنا مع الناس قعدوا يحكولنا عن السجن وبيعملو ايه وبيصحوا امتي


عبد الستار بيقولنا بيصحوا الصبح يعملو طابور رياضي


بعد كده بيحضروا درس الدكتور وهدان


وبيروحوا المكتبة عبد الستار بيقرا عودة الروح للحكيم و كتاب ف الacute medicine


اصله مثقف اوي


وبعد العصر بيروحوا يلعبوا كورة طايرة يعني م الاخر عايشين حياتهم


عليوة بقي كان لابس القفطان الابيض تقولش شيخ يا خواتي


وحودة الحمد لله ظبط الراه بتعاته محمود هاشم صاحب الكلمة الشهيرة التي تقول ماذا يصنع اعدائي بي شعري في صدري


احمد مجدي بقي طلب من الواد نصر حشو عشان يحشي ضروس المساجين


استاذ سامح بقي صراحة كان بيجي يقعد معانا شوية لكن استاذ محمد محمود كان بايعنا خالص يلا مش مشكلة


المهم الناس كلهم زي الفل ادعولهم يطلعوا وادعوا لوالدة عبد الستار عشان محجوزة ف ال ICU

طلعنا علي الحرية

طلعنا على الضوء .. طلعنا على الريح .. طلعنا على الشمس .. طلعنا على الحرية .. يا حرية يا زهرة نارية .. يا طفلة وحشية يا حرية ..

صرخو عالعالي على العالي .. اركضو بالحقالي على العالي .. قولو للحرية نحنا جينا ... و افرحوا افرحوا ..يا ليل .. يا حب .. يا

دروب .. يا حجار .. الحقونا .. ع الشجرة البرية ..

الاغنية دي جميلة اوي

فعلا اجمل نعمة ربنا من علينا بيها هي الحرية

ماحدش يقدر يسلبك حريتك

حتي لو قيدك وكتفك وكتم صوتك

حريتك هي قلبك وعقلك ووجدانك

انت الوحيد الذي يمكن ان تمنع حرية ذاتك

لتصبح بلا ذات اصلا ولا كرامة

حريتي في قلبي وقلبي ملك ربي وربي قد صاغ فكري فاصبحت بالاسلام انسانا

الحرية لا تعني الفوضي

لا تعني العشوائية

الحرية هي قمة المسئولية

اللهم فك اسرهم

علي اقصي اليمين الدكتور محمد عليوة واعي اقصي الشمال الدكتور محمود هاشم
الدكتور محمد عبد الستار

الدكتور محمد مصطفي عليوة يوم التخرج





في فجر يوم الجمعة تم القيض



















علي 24 طالب من كلية الطب والصيدلة















بتهمة التصيف ف الساحل الشمالي















اه والله











هذه هي تهمتهم











واطلق سراح الطلاب







واصدر امر اعتقال ل ال6 الخريجين







للدكتور محمد مصطفي عليوة طبيب مكلف بوزارة الصحة لسه مستلم تكليفه بوزارة الصحة وحدة ابن سهلان ومن المفترض ان يتقدم لنيابة







الجامعة بمستشفي الميري خلال هذا الشهر











الدكتور محمد عبد الستار طبيب مكلف بالاسماعيلية اخد اجازة تلات ايام من التكليف عشان يصيف ودوه علي طري











الدكتور محمود هاشم طبيب امتياز











الدكتور احمد مجدي لسه متخرج طازة من كلية طب اسنان








واخدوا معاهم


الاستاذ سامح همام مدرس اللغة الانجليزية الذي تعلمت منه الكثير والكثير في حياتي















الاستاذ محمد محمود الذي تعلمت ومازلت اتعلم منه معني الجدية









اللهم فك اسرهم يارب وعجل باطلاق سراحهم

متضايق

في الفترة الاخيرة عكفت علي المذاكرة بشكل مايقارب الادمان

وقد كانت حياتي ما بين المحاضرات والكتب والعيانين والعمليات

وقد كنت اضع في ذهني عدة اشياء منها

اني ساتحمل امانة يجب ان اوديها علي احسن وجه

اعداد نفسي لامتحانات الزمالات من الان

تدريب نفسي تدريبا اكلينيكا وتدريب عقلي علي اتخاذ القرار والتفكير بطريقة الالجوريزم

وبدات في تظبيط حياتي لاني لم احضر 3 امتحانات اثناء الدراسة

الامتحان الاول امتحان المسالك عليه 25 درجة وسبب عدم دخولي هو ان انا يوم

الامتحان مرضت مرضا شديدا

ذهبت للدكتور رئيس القسم وبعد مناقشات ومداولات وافق علي دخولي الامتحان الحمد

لله وحليت كويس بفضل الله

كان عندي ف نفس اليوم امتحان كلينيكال في قسم الجهاز الهضمي روحت دخلت عن

دكتور ماهر الزيني واداني الدرجة النهائية ربنا يكرمه

يارب

دلوقتي فاضل لي امتحانين الاول النسا والتاني اورام كان سبب عدم دخولي الامتحانين

هو ان انا اتفصلت شهر واتمنعت من دخول

الامتحانين سبب الفصل المشاركة في تنظيم وقفة ضد التدخل الامني في الجامعة وتعليق

5 لوحات كرتونية مكتوب عليها تعاطفا مع غزة

اه والله

(احد الدكاترة عندنا ف الكلية قالي يابني انت المفروض تعلق لوحة مكتوب عليها يلعن

ابوكو ولاد كلب يا..........)

المهم

امتحان النسا عليه 175 درجة وامتحان الاورام عليه 8 درجات ونص

قدمت طلب اني اخش امتحان الاورام في فترة اختيارية ولسه الوكيل ماوافقش عليه

وروحت عشان استئذن رئيس قسم النسا اخش الامتحان الجاي ماوافقش الا بعد موافقة

الوكيل

دلوقتي انا محتار انا تعبت جدا ومش عارف اعمل ايه

هي البلد دي بتعمل فينا كده ليه؟

عايزكوا تدعولي اوي اخرج من الهم الي انا فيه ده انا مش طايق ابص ف كتاب ولا اكلم

عيان

ربنا ينتقم منهم